كفت بخشيدم تمام امتت * بلكه جمله از كمال حرمتت مصطفى امد يقين فخر جهان * تاجدار پادشاه جاودان فصل بيرون امد خاقان چين هر يك بار از سراى خود و بيرون شهر خانبالغده خاقان چين كند و خاصه عبادتيچون بر مسجد بنا ايدوب و نيليده بركره زندانيلردن قتله مستحق اولنلرى كورمك ايچون اول مسجده وارر و اول مسجدده صورت يوقدر و درت ديوار و قبله سنده كلام اللهدن غيرى نسنه يوقد رايت كريمدن و اسماء اعظمدن مسلمانلر خطيله يازيلوب و نقش خطاييله جوانين تزيين ايتمشلر و خاقان اول مسجدك طوافنه كتمك قصد ايلدكده بركون اول اورج طوتر و صوم اوزره تخت روانه راكبا عزم مسجد ايلر و نيجه بيك غرق اهن لشكر پياده قلچلرين چكوب همديكرلريله ملاعبهء سيف ايدرك اهسته اهسته خاقانك اوكنده كيدرلر و فيللر قطارينى التون عربه لره بغليوب و عربه‌لر يوزينه ملون اطلسدن پوشنلر و انواع زينتلر ايله ارايشلر ايدوب خاقان چينك او كنجه ياب ياب چكرلربيك مقدارى بلكه دخى زياده سازنده‌لر تخت خاقان چينك چپ و راستنده انواع عجيب و غريب كزيده سازلر نواخت ايدوب و خاقان كندونك خاصكيلريله كه تختى كتوررلر سازنده‌لر صف اراسنده يورييوب بر وجهله سازلرين نواخت ايدرلر كه خاقان چينك كمال جذبه و لطافتلرندن نفس و جان و تنه الوداع ديمك استر و خاقان مسلمانلردن همان ايكى كمسنه‌يى اته بنديرر اهل اسلامه غايت تعظيم و تكريم جهتندن باقى امرا و وزرا دو كلى بياده اولوب‌در بيك مقدارى عادى كمسنه لر هربرى پياده يوريدكده باشلرى اتلرايله برابر اولور بيت هرچند هر تارش بود مردان اينچنين * يك‌بيك بكزيده بود ان شاه جنين خطاييلر بو دياردن واران ادملره اتلر عرض ايدوب مفاخرت ايدرلر و اول عاديلر جمله زراندو و جبه و جوشن كيوب خود مرصعلرى باشلرينه قيوب از پا تا بفرق مرصع اهن پولاده مستغرق اولوب كندولرينى جميع اسلحهء جنك و حربله اراسته ايدوب مذكور عاديلردن بيك نفر كمينه عطارلر دكاننك تحته سى كبى زراندود قلجلرى عريان او موزلرينه قيوب انواع هيبت و سياست ايله خاقان چينك اوكنجه يوررلر و مذكور عاديلردن بيك مقدار بدخى ادم باشى صورتنده كرزلر كتوروب اصناف شوكت و سطوت ايله اردنجه يورييوب و مزبور عاديلردن بيك مسلح صاعنده و بيكدانه صولنده منقش سنجاقلر او موزلرنده و سنجاقلرينك يلمانلرنده رنكارنك فانوسلر اصوب و خاقان چين بو عظمت و ابهت ايله مسجده واردقده صائم اولمغله سر و پا برهنه تختندن اينوب استانهء مسجده دوى نيازى